आज वळून पाहताना : मन_ईशा

आज वळून पाहताना जीवना, तुला
शोधावे लागले , किती काळ लोटला
मधे हे मला मोजावे लागले.
कोंडलेल्या भावनांना व्यक्त
ना केले कधी, हृदयी जे घुसमटले
ते मला सोसावे लागले. सापडला
नाही मजला चेहरा हा तुझा कधी ,
रोज नवे मुखवटे तुझे हे मला
ओळखावे लागले. निसटलेल्या
नात्यांची वाटली ना खंत कधी ,
पण बांधणारे बंध कोणते ? हे मला
आठवावे लागले. या सुखानो वाट
चुकवूनी माझ्याही दारी कधी,
दु:ख लिम्पुनी घर माझे हे मला
सारवावे लागले. भूतकाळाची
करुन पाहु उजळणी ती पुन्हा
कधी, किती राहिले 'हातचे' बाकी
हे मला मांडावे लागले. वाट
पहाते तुझी जीवना, भेटुन जा
एकदा कधी , तुझे केवढे हे ऋण
मजवरी, मला फेडावे लागले. आज
वळून पाहताना जीवना, तुला
शोधावे लागले किती काळ लोटला
मधे हे मला मोजावे लागले.
'सुरेशभट.इन'वरील दुवा:
http://www.sureshbhat.in/node/