कधीकाळी तुझ्यासाठी : आनंदयात्री

मनाच्या खोल मातीने उन्हाळे
सोसले होते तरी मी पेरता
स्वप्ने ऋतु झंकारले होते
अबोला फार दिवसांचा तुझा हा
अन् तिथे माझ्या- घराच्या
स्वच्छ काचांवर धुके अंधारले
होते नसावी काय जगण्याला जरा
खोली, जरा रूंदी? तुम्ही
नुसतेच श्वासांचे मनोरे
बांधले होते कळीचे फूल होताना
तिथे मी नेमका होतो जणू चोरून
कवितेने कवीला गाठले होते! अहो
जे वाटते ना ते मला प्रत्यक्ष
सांगा ना! असे बरळून पाठीवर
कुणाचे हो भले होते? तशी ती भेट
शेवटचीच होती आपुली तेव्हा
पुढे नुसतेच शब्दांना उरी
कवटाळले होते मला वाटायचे
मजला फुलांनी गूज सांगावे!
(कितीही वाटल्याने का कुणीही
आपले होते?) नको दुस्वास
दु:खाचा ठरवले मी, कुठे तेव्हा-
कुशीमध्ये सुखाच्या ते
सुखाने झोपले होते
तुझ्यासाठी दिला असता कदाचित
जीवही मी अन्- कधीकाळी
तुझ्यासाठी जगावे वाटले होते -
नचिकेत जोशी
'सुरेशभट.इन'वरील दुवा:
http://sureshbhat.in/node/