जराजरासा !!! : supriya.jadhav7

जराजरासा !!! तुझे नि माझे नकोच
नाते, हवा दुरावा जराजरासा !
सलज्ज तारे नभी पहाया रवी
झुरावा जराजरासा !! लुभावयाला
कितीक फ़ुलती गुलाब, जाई नि
मोगरेही, तुझ्या स्मृतींचा
सुगंध ताजा, इथे उरावा
जराजरासा !! झपाटलेला पिसाट
वारा कडी-कपा-यात बंद केला,
तुझ्या नि माझ्या उसासण्याचा
उरो पुरावा जराजरासा !! कधी
नकोसे कधी हवेसे, छ्ळून जाती
रदीफ़ मिसरे, नजाकतीचाच शेर ओठी
अता स्फ़ुरावा जराजरासा !!
कितीक आले लुटून गेले इथे
लुटारु लुबाडणारे, तुझा भरवसा,
मुरे मुरंबा तसा मुरावा
जराजरासा !! घडी भराची नकोच
संगत करार व्हावा युगांतरीचा,
तुझ्याच श्वासात श्वास माझा,
अता विरावा जराजरासा !!
-सुप्रिया (जोशी) जाधव..
'सुरेशभट.इन'वरील दुवा:
http://sureshbhat.in/node/2515